SƏHİYYƏ İŞÇİLƏRİNİN ÜMUMALMANİYA TƏTİLİ BAŞLANMIŞDIR
AZƏRTAC-ın xüsusi müxbiri xəbər verir ki, martın 16-dan etibarən Almaniyada tibb işçilərinin tətili başlanmışdır. Almaniya Həkimlər Assosiasiyası və tibb işçilərinin “Marburq Birliyi” həmkarlar ittifaqı təşkilatının çağırışı ilə ölkənin Frayburq, Haydelberq, Münxen, Vürtsburq, Essen, Bonn, Maynts və Halle şəhərlərindəki universitet klinikalarının tibb alimləri və yerlərdəki xəstəxanalarda işi tamamilə dayandıran səhiyyə işçiləri tətil hərəkatına qoşulmuşlar. Kütləvi tətilə qoşulan 90 mindən artıq səhiyyə işçisi federal hökumətdən iş və sosial şəraitlərinin yaxşılaşdırılması, əməkhaqlarının 30 faiz artırılması ilə yanaşı, səhiyyə sahəsində islahatları daha da təkmilləşdirməyi tələb edirlər.
Nümayişçilər, onların tələblərinə müsbət cavab verilməzsə, tətili fasiləsiz davam etdirəcəklərini bildirirlər.
Bölmənin digər xəbərləri
