SƏHİYYƏ İŞÇİLƏRİNİN ZONA ELMİ-PRAKTİK KONFRANSI KEÇİRİLMİŞDİR
AZƏRTAC-ın müxbiri xəbər verir ki, Gəncədə “Bəzi yoluxucu xəstəliklərə qarşı mübarizə, onların müalicəsi və profilaktikası” mövzusunda zona elmi-praktik konfrans keçirilmişdir. Səhiyyə Nazirliyinin təşkil etdiyi bu tədbirdə AMEA-nın müxbir üzvü Namiq Əliyevin Gəncə-Qazax regionunda malyariya, kəskin bağırsaq infeksiyalarının və digər yoluxucu xəstəliklərin diferensial diaqnostikası və müalicəsi” mövzusunda məruzəsi dinlənilmişdir. Mövzu ətrafında müzakirələrdə tibb elmləri namizədləri Ruhlan Əliyev, Lalə Rüstəmova və digər alimlər çıxış edərək, regionda yay mövsümündə baş verə biləcək kəskin bağırsaq infeksiyalarına qarşı profilaktik mübarizənin təşkili, virus mənşəli bakteriyalar, malyariya xəstəliyinin keçiriciləri və onlara qarşı aparılan mübarizə tədbirləri haqqında məlumat vermişlər. Konfransda iştirakçıların suallarına aydınlıq gətirilmişdir.
Bölmənin digər xəbərləri
