ŞƏKİ ŞƏHƏR STADİONU YENİDƏNQURULACAQ
Cari ildə Şəki şəhər stadionunun müasir standartlara uyğun yenidən qurulmasına başlanacaqdır. Yerli və xarici mütəxəssislərin hazırladığı layihəyə görə, stadionda 3 min 500 yerlik üstüörtülü tribunalar quraşdırılacaq, təbii və süni ot örtüklü meydançalar salınacaq, müxtəlif təyinatlı idman qurğularından ibarət qapalı idman zalı və xidməti otaqlar və sairə inşa ediləcəkdir.
Şəhər icra hakimiyyətindən AZƏRTAC- ın müxbirinə bildirmişlər ki, stadionun yenidən qurulması dövlət vəsaiti hesabına həyata keçiriləcəkdir. Cari ildə görüləcək işlər üçün büdcədən 200 min manat vəsait ayrılacaqdır. Yenidənqurma işlərinin 2008-ci ildə başa çatdırılması nəzərdə tutulmuşdur.
Bölmənin digər xəbərləri
