Şəkidə narkotik vasitələrin kultivasiyası ilə məşğul olan şəxs saxlanılıb
Bakı, 20 iyun, AZƏRTAC
Şəki Şəhər-Rayon Polis Şöbəsinin əməkdaşları tərəfindən keçirilmiş əməliyyat-axtarış tədbirləri nəticəsində narkotik vasitələrin kultivasiyası ilə məşğul olmaqda şübhəli bilinən rayon sakini Həmzət Seyidov saxlanılıb.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a bildiriblər ki, H.Seyidovun üzərində axtarış aparılarkən qurudulmuş marixuana aşkarlanıb. Onun yaşadığı ünvana da baxış keçirilib. Oradan torpağa basdırılmış, kökündən çıxarılaraq kənara qoyulmuş 2,4 kiloqram çəkidə 13 çətənə bitkisi aşkarlanaraq maddi sübut kimi götürülüb.
Faktla bağlı Şəki Şəhər-Rayon Polis Şöbəsində araşdırma aparılır.
Bölmənin digər xəbərləri
