SƏKKİZ AYDA ƏHALİYƏ 11,9 TRİLYON MANATLIQ İSTEHLAK MALLARI SATILMIŞDIR
Azərbaycan Dövlət Statistika Komitəsindən AZƏRTAC-a bildirmişlər ki, bu ilin səkkiz ayında əhali ölkənin ticarət şəbəkələrindən 11,9 trilyon manatlıq və yaxud keçən ilin müvafiq dövründəkindən 12,4 faiz çox geniş çeşiddə müxtəlif istehlak malları almışdır. Malların 21,2 faizi hüquqi şəxslər, 31,8 faizi yarmarkalarda, 11,4 faizi kənd təsərrüfatı məhsulları bazarlarında, 35,6 faizi digər yerlərdə ticarətlə məşğul olan fərdi sahibkarlar tərəfindən satılmışdır. Əmtəə dövriyyəsinin 7,9 trilyon manatlığını ərzaq, 4,0 trilyon manatlığını qeyri-ərzaq malları təşkil etmiş və onların satışının həcmi ötən ilin səkkiz ayı ilə müqayisədə müvafiq olaraq 9,7 faiz və 20,3 faiz artmışdır.
Yanvar-avqust aylarında əhaliyə 2,2 trilyon manatlıq və yaxud ötən ilin eyni dövründəkindən 14,6 faiz çox pullu xidmət göstərilmişdir. Xidmətin üçdə iki hissəsindən çoxu (70,4 faizi) hüquqi şəxslərin payına düşmüşdür.
Bölmənin digər xəbərləri
