Sel suları bir neçə rayonda yol infrastrukturuna ziyan vurub
Bakı, 18 sentyabr, AZƏRTAC
Yağan güclü yağış nəticəsində yaranan sel suları Lerik, Astara, Zaqatala və Balakən rayonlarında yol infrastrukturuna və yol qurğularına ziyan vurub.
Azərbaycan Avtomobil Yolları Dövlət Agentliyinin (AAYDA) İctimaiyyətlə Əlaqələr şöbəsindən AZƏRTAC-a bildirilib ki, yaranmış problemlərlə bağlı məlumat daxil olan kimi ərazilərə dərhal agentliyin xüsusi texnikaları və canlı qüvvəsi səfərbər olunub.
Hazırda yollarda hərəkətin fasiləsizliyi və təhlükəsizliyi təmin olunur, yolların və yol qurğularının bərpası istiqamətində aparılan işlər davam etdirilir.
Bölmənin digər xəbərləri
