Sərdar Azmun UEFA Avropa Liqasının onaltıdabir final mərhələsinin ən yaxşı oyunçusu seçilib
Bakı, 23 fevral, AZƏRTAC
Fevralın 22-də UEFA Avropa Liqasında həftənin ən yaxşı futbolçusu müəyyənləşib.
AZƏRTAC qurumun rəsmi saytına istinadla xəbər verir ki, bu, Rusiyanın “Zenit” klubunun iranlı hücumçusu Sərdar Azmundur. O, nominasiyada Patson Daka (“Zaltsburq”, Avstriya), Pablo Sarabiya (“Sevilya”, İspaniya) və Kallum Hadson-Odoini (“Çelsi”, İngiltərə) qabaqlayıb.
İyirmi beş yaşlı forvard onaltıdabir final mərhələsində Türkiyənin “Fənərbağça” klubunun qapısından keçirdiyi 2 qol və bir məhsuldar ötürmə ilə yadda qalıb.
Bölmənin digər xəbərləri
