SERGEY LAVROV TÜRKİYƏYƏ GETMİŞDİR
AZƏRTAC-ın xüsusi müxbiri xəbər verir ki, sentyabrın 2-də Rusiyanın xarici işlər naziri Sergey Lavrov Türkiyənin xarici işlər naziri Əli Babacanla razılaşmaya əsasən, Türkiyəyə işgüzar səfərə yola düşmüşdür. Nazirlərin İstanbul danışıqlarının başlıca mövzusu Cənubi Qafqazda vəziyyət, gürcü-osetin münaqişəsi zonasında siyasi, humanitar və digər nəticələrin aradan qaldırılması perspektivləri olacaqdır. Tərəflər “Qafqazda sabitlik və əməkdaşlıq platforması”nın yaradılması haqqında Türkiyənin təşəbbüsünün reallaşdırılması imkanlarını müzakirə edəcəklər.
RF XİN-in rəsmi nümayəndəsi A.Nesterenko bildirmişdir ki, Türkiyəyə səfər gündəlikdə duran digər aktual regional və beynəlxalq məsələlərə dair fikir mübadiləsi aparmağa, Rusiya-Türkiyə münasibətlərinin inkişafına dair mövqeləri dəqiqləşdirməyə imkan verəcəkdir. A.Nesterenko demişdir: “Rusiya və Türkiyənin ciddi siyasi dialoqu iki ölkənin bu mərhələdə əməkdaşlığının inkişafının intensiv xarakter aldığını və tərəfdaşlığın möhkəmlənməsi və dərinləşməsində tərəflərin qarşılıqlı surətdə maraqlı olduqlarını göstərir”.
Bölmənin digər xəbərləri
