Şərq-Qərb avtomagistralının Gürcüstan hissəsinin tikintisi davam edir
Tbilisi, 2 yanvar, AZƏRTAC
Şərq-Qərb avtomagistralının (E60) Gürcüstan ərazisindən keçən hissəsinin tikintisi davam edir.
AZƏRTAC xəbər verir ki, yolun tikintisini Türkiyənin “Polatioli və mapa” şirkəti həyata keçirir.
Tikinti işləri şirkətlə Gürcüstanın Regional İnkişaf Nazirliyinin Avtomobil Yolları Departamenti arasında ötən il dekabrın 3-də imzalanmış müqavilə əsasında aparılır.
Müqaviləyə əsasən şirkət E60 magistralının Gürcüstan ərazisindən keçən və Qriqoletidən Kobuletiyə qədər olan 14 kilometrlik hissəsini tikəcək.
Ümumi dəyəri 228 milyon lari olan (85 milyon dollardan çox) layihə Avropa İnvestisiya Bankı tərəfindən maliyyələşdiriləcək. Tikinti işlərinin 24 aya başa çatdırılması nəzərdə tutulub. E70 avtomagistralının bir hissəsi olan bu yol dördzolaqlı olacaq. Yolda 22 keçid, 4 nəqliyyat qovşağı, qrunt sularının axıdılması üçün yeraltı kanallar tikiləcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
