Serxio Peres: Avstriyaya yaxşı əhval-ruhiyyə ilə gedirəm
Bakı, 29 iyun, AZƏRTAC
“Fors India” komandasının meksikalı yürüşçüsü Serxio Peres qarşıdan gələn “Formula-1” Avstriya Qran-Prisinə münasibətini bildirib.
O qeyd edib ki, Avstriyaya yaxşı əhval-ruhiyyədə və yaxşı nəticə göstərmək məqsədi ilə gedir. Yürüşçü deyib: “Avstriya Qran-prisi sevimli yürüşlərimdən biridir, çünki bu trasda şütümək adama ləzzət verir. Dəyişən relyefli trasda mürəkkəb döngələr var. Odur ki, səhvə yol vermək olmaz, çünki hər bir səhv düz yolda baha başa gəlir. Bundan əlavə, qısa trasda pilotlar arasında məsafə kiçikdir, bu da mübarizəni daha gərgin edir”.
Qeyd edək ki, Avstriya Qran-prisi iyulun 1-dən 3-dək keçiriləcək.
Bölmənin digər xəbərləri
