Səudiyyə Ərəbistanının Kralı Ərəb Dövlətləri Liqasının sammitində iştirak etmək üçün Tunisə yola düşüb
Ər-Riyad, 28 mart, AZƏRTAC
Səudiyyə Ərəbistanının Kralı Salman bin Əbdüləziz Al Səud Tunis Respublikasının Prezidenti Beji Kaid əs-Sebsinin dəvəti ilə bu ölkəyə rəsmi səfərə yola düşüb.
AZƏRTAC Krallığın Dəftərxanasının yaydığı məlumata istinadla xəbər verir ki, səfər zamanı Səudiyyə Ərəbistanı və Tunis arasında ikitərəfli münasibətlər, ikitərəfli əlaqələrin bütün sahələrdə möhkəmləndirilməsi yolları, həmçinin qarşılıqlı maraq doğuran regional və beynəlxalq məsələlər müzakirə ediləcək.
Monarx, həmçinin martın 31-də Ərəb Dövlətləri Liqasının Tunisdə təşkil olunacaq yüksək səviyyəli iclaslarında Səudiyyə Ərəbistanı Krallığının nümayəndə heyətinə rəhbərlik edəcək.
Asya Hacızadə
AZƏRTAC-ın xüsusi müxbiri
Ər-Riyad
Bölmənin digər xəbərləri
