Səyyar Klinika Gədəbəydə üç gün oftalmoloji müayinə və əməliyyatlar aparacaq
Bakı, 6 iyul, AZƏRTAC
Akademik Zərifə Əliyeva adına Milli Oftalmologiya Mərkəzinin Səyyar Klinikasının həkim və tibb işçiləri Gədəbəy rayonunda növbəti humanitar aksiya təşkil edəcəklər. Onlar iyulun 12-13-də rayon sakinlərini oftalmoloji müayinələrdən keçirəcək, iyulun 14-də isə ehtiyacı olanları əməliyyat edəcəklər.
Mərkəzdən AZƏRTAC-a verilən məlumata görə, əsas məqsəd sakinlərin yaşadıqları yerdə vaxt itirmədən müayinə, müalicə və əməliyyat olunmasıdır.
Xatırladaq ki, Səyyar Klinika 2005-ci ildən indiyə qədər ölkəmizin rayon və şəhərlərində 120-dən çox tibbi aksiya keçirib.
Bölmənin digər xəbərləri
