Səyyarə İbadullayeva: 28 May milli dövlətçilik tariximizin ən parlaq səhifələrindən biridir
Bakı, 26 may, AZƏRTAC
Elm və Təhsil Nazirliyinin Botanika İnstitutunda 28 May - Müstəqillik Gününə həsr olunmuş tədbir keçirilib.
İnstitutdan AZƏRTAC-a bildirilib ki, bu elmi müəssisənin direktoru vəzifəsini icra edən professor Səyyarə İbadullayeva 1918-ci ildə müsəlman Şərqində ilk demokratik respublikanın elan olunmasının milli dövlətçilik tariximizin ən parlaq səhifələrindən biri olduğunu söyləyib. O, bu əlamətdar günün ölkəmizdə ehtiramla qeyd olunduğunu diqqətə çatdırıb.
Professor vurğulayıb ki, yenidən müstəqilliyinə qovuşmuş Azərbaycan bu gün qüdrətli dövlətə, beynəlxalq arenada söz və nüfuz sahibinə çevrilib. Bildirilib ki, Ümummilli Lider Heydər Əliyevin əsasını qoyduğu dövlətçilik siyasəti Prezident İlham Əliyev tərəfindən uğurla davam etdirilir. Ölkəmizin müstəqilliyi, milli maraqları və beynəlxalq mövqeyi daha da gücləndirilir.
Tədbir zamanı Səyyarə İbadullayeva WUF13-də “Urban Expo” çərçivəsində keçirilən “Urban yaşıllıqlar və landşaft memarlığına müasir çağırışlar” adlı tədbirdə fəal iştiraklarına görə institutun bir qrup gənc mütəxəssisinə təşəkkürnamələr təqdim edib.
Bölmənin digər xəbərləri
