Şimal bölgəsi: Xızıda 31 santimetr qar, Qubada 16 dərəcə şaxta VİDEO
Quba, 11 yanvar, Elxan Yusifli, AZƏRTAC
Yanvarın 10-u axşam saatlarından başlayaraq bütün şimal rayonlarına qar yağıb.
AZƏRTAC-ın bölgə müxbiri xəbər verir ki, Xızı rayonunun Altıağac qəsəbəsində qarın hündürlüyü 31 santimetrə çatır. Bölgədə ən aşağı temperatur (-16 dərəcə) Qubanın Qrız kəndində qeydə alınıb.
Qubanın rayon mərkəzində qarın hündürlüyü 19 santimetr, Xaltanda 25, Təngəaltıda 25, Qrızda isə 1 santimetr olub. Qusarın Ləzə kəndinə 9, Xaçmaza 18, Şabrana 12 santimetr qar yağıb.
Bölgədə qarlı hava şəraitinin yanvarın 12-dək davam edəcəyi proqnozlaşdırılır.
Bölmənin digər xəbərləri
