Şimali Makedoniyada yerli seçkilərdə hakim partiya qələbə qazanıb
Skopye, 20 oktyabr, AZƏRTAC
Şimali Makedoniyada keçirilən yerli idarəetmə orqanlarına seçkilərdə hakim sağ mərkəzçi “VMRO DPMNE” partiyası rəqibləri üzərində inamlı qələbə qazanıb.
AZƏRTAC xəbər verir ki, partiya ölkənin 81 bələdiyyəsinin 53-də səsvermədə birinci olub.
“Biz bu qələbəni işimizlə, əzmkarlıqla təmin etdik. Yol asan deyil, lakin Şimali Makedoniyanın gücü, insanları və iradəsi var”, - deyə Baş nazir və “VMRO DPMNE” partiyasının rəhbəri Kristian Miskoski bildirib.
Birinci turda səslərin 50 faizdən çoxunu qazanaraq sədr seçilməyən bələdiyyələrdə noyabrın 2-də ikinci tur seçkilər keçiriləcək.
Qeyd edək ki, oktyabrın 19-da Şimali Makedoniyada 81 bələdiyyə üzrə sədrlər və şura üzvlərini müəyyən etmək üçün seçkilər keçirilib. Seçkilərdə bələdiyyə sədri vəzifəsi uğrunda 309, ümumilikdə isə 10 min 490 namizəd mübarizə aparıb.
Skopye
Bölmənin digər xəbərləri
