Siyəzəndə nərə balıqlarını satan şəxs cəzalandırılıb
Bakı, 2 noyabr, AZƏRTAC
Dövlət Ekoloji Təhlükəsizlik Xidmətinin və Siyəzən Rayon Polis Şöbəsinin əməkdaşları tərəfindən Siyəzən şəhərində fəaliyyət göstərən balıq bazarında keçirilən nəzarət tədbirləri zamanı nərə balıqlarının satılması faktı aşkarlanıb.
Bunu AZƏRTAC-a xidmət rəisi Hikmət Əlizadə bildirib.
O qeyd edib ki, ovlanması qanunla qadağan olunmuş nərə balıqlarını satan şəhər sakini Kənan Əsgərov barəsində akt tərtib edilib və qanunamüvafiq tədbir görülüb.
H.Əlizadənin sözlərinə görə, qanunsuz balıq ovunun və satışının qarşısının alınması istiqamətində monitorinqlər davam etdirilir.
Bölmənin digər xəbərləri
