SOCAR AQŞ jurnalistlər arasında keçirdiyi müsabiqənin nəticələrini açıqlayıb
Bakı, 22 iyul, AZƏRTAC
SOCAR AQŞ-nin 22 iyul - Milli Mətbuat Gününə həsr edilmiş “Milli mətbuat koronavirusa qarşı” adlı jurnalist müsabiqəsinin nəticələri məlum olub.
Müəssisədən AZƏRTAC-a bildirilib ki, müsabiqəyə təqdim olunmuş 64 materialdan 32-si mükafatlandırılıb. Şərtlərə görə, 30 qalib seçilməsi planlaşdırılırdı, lakin jüri qiymətləndirməsi nəticəsində 30, 31 və 32-ci yerlərdə olan jurnalistlərin balları eyni olduğu üçün onların hər üçü qalib kimi qəbul olunub. Həmçinin material göndərmiş digər jurnalistlərə də SOCAR AQŞ tərəfindən xüsusi hədiyyələr təqdim ediləcək. Bir neçə material isə müsabiqə şərtlərini pozduğu üçün (plagiat, başqa tarixdə yayımlanma və sair) müsabiqəyə daxil edilməyib.
Layihə SOCAR AQŞ kollektivinin müəssisə daxilində yaratdığı “Koronavirusla mübarizə üçün ianə fondu”nun təşəbbüsü və maliyyəsi, “INPRESS PR Solutions” şirkətinin təşkilati dəstəyi ilə keçirilib.
Bölmənin digər xəbərləri
