Son gündə Özbəkistanda koronavirusdan 5 xəstə ölüb
Daşkənd, 2 sentyabr, АZƏRTAC
Son gündə Özbəkistanda COVID-19 koronavirusuna 376 xəstə yoluxub və viruslu xəstələrin sayı 42 min 370 nəfər olub.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son sutkada virusdan 5 xəstə dünyasını dəyişib və ölənlərin sayı 326 nəfərə çatıb.
Xəstəxanalarda 2 min 380 pasiyent olduğu bildirilir, onların 275-nin vəziyyəti ağır, 147-nin isə kritikdir.
Qeyd olunur ki, son 24 saatda virusdan 389, pandemiya dövründə isə 39 min 664 xəstə sağalıb.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
