“Spotify” aktiv istifadəçilərinin sayı 500 milyonu ötüb
Bakı, 26 aprel, AZƏRTAC
“Refinitiv IBES”-in məlumatına görə 2023-cü ilin birinci rübündə “Spotify” aylıq aktiv istifadəçilərinin sayı 515 milyona çatıb. Bu göstəricilər 500 milyon proqnozlaşdıran analitiklərin gözləntilərini aşıb.
AZƏRTAC “Reuters” agentliyinə istinadla xəbər verir ki, paylarına gəlirin çox hissəsi düşən premium abunəçilər 15 faiz artıb və 206 milyon qiymətləndirməni aşaraq 210 milyona çatıb.
Cari rüb üçün 217 milyon premium abunəçinin sayı da 212 milyonluq gözləntiləri üstələyib. Şirkət gələcəkdə aylıq 530 milyon aktiv istifadəçi proqnozlaşdırır.
2022-ci ildə “Spotify” 2030-cu ilə qədər bir milyard istifadəçinin cəlb edilməsi və 100 milyard dollar illik gəlirə nail olunması üzrə planlarını bəyan edib. Şirkət, həmçinin onun podkastlar və audiokitablara qədər bahalı genişlənməsindən yüksək gəlir vəd edib.
Lakin şirkətin 3,04 milyard avroluq (3,35 milyard dollar) rüblük gəliri analitiklərin 3,08 milyard avroluq qiymətləndirmələrinə uyğun deyil, itkilər isə gözlənildiyindən daha artıq olub.
Şirkətin yaradıcısı Daniel Ek bildirib ki, makroiqtisadi qeyri-sabitlik 2023-cü ilin birinci rübünü müşayiət edib, bu da “Spotify”yə bir qədər təsir edir. O qeyd edib ki, bir çox abunəçilər pulsuz sınaq versiyalarına və ya ailə tarifinə yazılır, buna görə də “Spotify” belə abunəçilərdən gəliri bir rübdən sonra almağa başlayır.
Bölmənin digər xəbərləri
