“START” III BEYNƏLXALQ TƏLƏBƏ FİLMLƏRİ FESTİVALI BAŞA ÇATMIŞDIR
Qeyd edək ki, Mədəniyyət və Turizm, Gənclər və İdman nazirliklərinin təşkilatçılığı, “Azərcell” şirkətinin baş sponsorluğu ilə təşkil edilmiş və 4 gün davam edən festivalda 9 ölkənin tələbələrinin lentə aldıqları 45 filmə baxış olmuşdur.
Beş nəfərdən ibarət münsiflər heyəti Kəmalə Rzayevanın “Etinasızlıq epoxasının bir günü” filmini festivalın baş mükafatı “Qran-pri” və 5 yüz manat pulla mükafatlandırmışdır.
“Ən yaxşı bədii film”ə görə I yeri “Sınıq xətt” filminin müəllifi bolqarıstanlı Çavdar Çerner, “Ən yaxşı sənədli film”ə görə isə I yeri “Öylə duruyorum” filminin müəllifləri türkiyəli Ateş Savaşeri, İrem Pasingil və Onur Etiz tutmuşlar. Onlara müxtəlif hədiyyələr verilmişdir. Bu nominasiyalar üzrə II yer tutmuş kino müəllifləri və öz işləri ilə digərlərindən seçilmiş 5 tələbə fərqlənmə diplomu almışdır.
Festivalda “Ən yaxşı ideya”ya görə “Yuxarıdan aşağıya” filminin müəllifi türkiyəli Hakan Gök seçilmişdir.
Tədbirdə gənc ifaçılar maraqlı konsert proqramı ilə çıxış etmişlər.
Bölmənin digər xəbərləri
