Sudan səfiri: Afrikada işsizlik səviyyəsi yüksəkdir
Bakı, 25 may, AZƏRTAC
Afrikada işsizlik səviyyəsi yüksək olaraq qalır və qitə iqtisadiyyatı hələ də əsasən xammal ixracından asılıdır. Bundan əlavə, iqlim dəyişikliyinin kənd təsərrüfatına və insanların yaşayış vasitələrinə mənfi təsiri, eləcə də infrastrukturun maliyyələşdirilməsi sahəsindəki boşluqlar qarşımızda ciddi maneələr yaradır.
AZƏRTAC xəbər verir ki, bu sözləri Sudanın ölkəmizdəki səfiri Ənəs Eltayeb Elqaylani Mustafa Bakıda keçirilən “Afrika Günü”nə həsr olunmuş beynəlxalq konfransın "Gündəm 2063 və Afrikanın beynəlxalq münasibətlər sistemində artan rolu" mövzusundakı panel müzakirələrində söyləyib.
O bildirib ki, Afrika qlobal iqtisadiyyatın mühüm və ayrılmaz bir hissəsidir. Qitənin inkişafı, onun zəngin təbii resurslarından tam səmərəli faydalanmaq, həmçinin Şimal-Cənub və Cənub-Cənub əməkdaşlığı çərçivəsində tərəfdaşlığı gücləndirmək üçün 1,6 trilyon dollar həcmində investisiyaya ehtiyac var.
Bölmənin digər xəbərləri
