“SÜLH AYLIĞI” ÇƏRÇİVƏSİNDƏ TOPLANTI KEÇİRİLMİŞDİR
Azərbaycan Respublikasının İnsan Hüquqları üzrə Müvəkkili Aparatı ilə Sülh və İnkişaf Alyansı “Sülh aylığı” çərçivəsində toplantı keçirmişlər. Tədbirə beynəlxalq təşkilatların, ictimai qurumların və qeyri-hökumət təşkilatlarının nümayəndələri də qatılmışlar.
Ombudsman Aparatından AZƏRTAC-a bildirmişlər ki, insan hüquqları üzrə müvəkkil Elmira Süleymanova Azərbaycanda vahid sülh strategiyası əsasında Milli sülh hərəkatının yaradıldığını və formalaşdığını bildirmişdir. Qeyd edilmişdir ki, torpaqlarının 20 faizi işğal olunmuş, bir milyondan artıq qaçqın və məcburi köçkünu olan ölkəmizdə sülh mövzusu xüsusi əhəmiyyət kəsb edir. Bu gün Azərbaycanın haqq işini dünya ictimaiyyətinə, sülhsevər qüvvələrə çatdırmaq, nüfuzlu beynəlxalq təşkilatların diqqətini və səylərini Dağlıq Qarabağ münaqişəsinin həllinə yönəltmək ən mühüm vəzifə
kimi qarşıda durur.
Tədbirdə mövzu ilə bağlı müzakirələr aparılmışdır.
