“SÜLH MƏŞƏLİ” ESTAFETİNİN İSTİRAKÇILARI AZƏRBAYCANDA OLMUŞLAR
Yunanıstanın “Zeytun Yolları” təşkilatı beynəlxalq statuslu bir qurum olaraq, zeytunu təbliğ etmək məqsədi ilə dünyanın bir sıra ölkələrində tədbirlər həyata keçirir. Bu il təşkilat Pekinə motosikletlərlə sülh estafeti təşkil edir.
“Sülh məşəli” adlanan estafet Yunanıstanın Messeniya vilayətindən başlanmışdır. Pekin Yay Olimpiya Oyunlarını yaxından izləyəcək yürüş iştirakçıları bir çox ölkələrdə simvolik olaraq zeytun ağacı əkəcəklər.
AZƏRTAC xəbər verir ki, iyulun 22-də “Sülh məşəli”nin iştirakçıları Azərbaycanda olmuş və Milli Olimpiya Komitəsinin inzibati binasının qarşısında zeytun ağaçı əkmişlər. Yürüş iştirakçılarının ağacəkmə mərasimində gənclər və idman naziri Azad Rəhimov da iştirak etmişdir.
Qeyd edək ki, aksiya iştirakçıları Türkiyədən, Gürcüstandan keçərək Azərbaycana gəlmişlər və buradan da İran, Türkmənistan, Özbəkistan, Qırğızıstan marşrutu üzrə Çinə gedəcəklər.
######
 |
 |
Bölmənin digər xəbərləri
