Sulutəpə qəsəbə sakinləri quldurluq əməli etdiklərinə görə tutulublar
Bakı, 3 dekabr, AZƏRTAC
Binəqədi Rayon Polis İdarəsinin 40-cı polis bölməsinə noyabrın 30-da saat 23 radələrində 28 May qəsəbəsi ərazisində bir neçə nəfərin Goranboy rayon sakinini döyərək 150 manat məbləğində pulunu almaları barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, quldurluq əməlini törətməkdə şübhəli bilinən Sulutəpə qəsəbə sakinləri, əvvəllər məhkum olunan N.İbrahimov, A.Ağayev, S.Həşimov, O.Rüstəmli, H.Bəhramov, N.Yunuslu və S.Mirzəyev polis əməkdaşlarının keçirdikləri əməliyyat-axtarış tədbirləri nəticəsində müəyyən edilərək saxlanılıblar.
Faktla bağlı rayon polis idarəsi tərəfindən araşdırma aparılır.
Bölmənin digər xəbərləri
