Sumqayıtda “Məşğulluğa dəstək layihəsi”nə dair ictimai dinləmə keçiriləcək
Bakı, 26 dekabr, AZƏRTAC
Əmək və Əhalinin Sosial Müdafiəsi Nazirliyi tərəfindən və Dünya Bankının maliyyə dəstəyi ilə həyata keçirilən “Məşğulluğa dəstək layihəsi” çərçivəsində Sumqayıt şəhərində ictimai dinləmə keçiriləcək.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, tədbirdə layihənin hədəf və məqsədləri, əhatə dairəsi, layihənin icrası zamanı ətraf mühit və sosial məsələlərə dair tələblər, proqramın gözlənilən faydaları, müraciət və iştirak qaydalarına dair iştirakçılara ətraflı məlumat veriləcək.
İctimai dinləmə dekabrın 27-si saat 11:00-da Sumqayıtda Poeziya Evinin binasında (Sumqayıt şəhəri, 9-cu mikrorayon, Zülfi Hacıyev küçəsi, 6) keçiriləcək.
Bölmənin digər xəbərləri
