SUMQAYITDA NOVRUZ ŞƏNLİKLƏRİ
Xalqımızın əziz bayramı olan Novruz Sumqayıtda böyük vüsətlə və yüksək ovqatla qeyd edilmişdir.
İcra Hakimiyyəti rəhbərliyinin sərəncamına əsasən, Bahar bayramına hazırlıq hələ bir ay öncə başlanmışdı. Şəhərdə geniş abadlıq işləri görülmüş, küçə və həyətlərdə səliqə-sahman yaradılmışdır.
Bayramsayağı bəzədilmiş Nəsimi adına mədəniyyət və istirahət parkında ümumşəhər şənliyi keçirilmişdir. Şəhərin bədii özfəaliyyət kollektivləri, musiqi məktəblərinin şagirdləri coşğun rəqslər ifa etdilər, ürəkaçan mahnılar oxudular. Dram dərnəklərinin üzvləri bayramın baş personajlarının iştirak etdiyi folklor proqramı göstərdilər. İdmançılar, kəndirbazlar, sirk ustaları öz ustalıqlarını nümayiş etdirdilər. Sumqayıt rəssamlarının əsərlərindən ibarət sərgi də maraq doğurdu.
Şəhərin bütün park və bağlarında kütləvi bayram şənlikləri və gəzintiləri axşamdan xeyli keçənədək davam etdi.
Bölmənin digər xəbərləri
