SUMQAYITDA YENİ BUXAR-QAZ BLOKU TİKMƏK NƏZƏRDƏ TUTULUR
“Azərenerji” Səhmdar Cəmiyyəti Sumqayıtdakı 2 nömrəli İstilik Elektrik Mərkəzinin dayandırılması və gələcəkdə konservasiya olunması barədə qərar qəbul etmişdur. Şirkətin mətbuat xidmətindən AZƏRTAC-ın müxbirinə bildirmişlər ki, stansiyada aparılan tədqiqatlarl onun ziyanla işlədiyini təsdiq etmişdir. Bunun əsas səbəbi Azərbaycanda ən köhnə İEM-lərdən olan müəssisədə avadanlıqı sıradan çıxmasıdır. 1941-ci ildə istifadəyə verilmiş 1 nömrəli Sumqayıt İEM-in də fevral-mart aylarında elə bu səbəbdən dayandırılacağı gözlənilir.
“Azərenerji” səmərəsiz iki İEM-in əvəzinə, daha doğrusu, onlardan birinin əsasında yaxın gələcəkdə ümumi gücü 400-450 meqavat olan yeni buxar-qaz bloku tikməyi nəzərdə tutur. Sumqayıtda müasir standartlara uyğun elektrik stansiyasının layihəsini kreditləşdirmək haqqında bir sıra beynəlxalq maliyyə qurumları ilə danışıqlara başlanmışdır.
Bölmənin digər xəbərləri
