SİYASƏT
Suriyada səngiməyən erməni hiyləgərliyi və yaxud bir kilsənin izi ilə
Ankara, 22 oktyabr, AZƏRTAC
Oktyabrın 9-da Türkiyə Silahlı Qüvvələrinin Suriyada Fərat çayının şərqində başladığı “Sülh çeşməsi” antiterror əməliyyatı ilkin mərhələdə qardaş ölkənin zəfəri ilə başa çatdı. İllər uzunu PKK/YPG/PYD qruplarını dəstəkləyən ABŞ Türkiyə ilə danışıqlara üstünlük verdi. Tərəflər razılığa gəldilər ki, PKK/YPG/PYD 120 saat ərzində Türkiyə sərhədini tərk edir. Lakin bu qələbə ucuz başa gəlmədi. Əvvəla ona görə ki, Türkiyə Ordusu yenə də şəhid verdi. İkincisi isə beynəlxalq səviyyədə təzyiq və təhdidlərlə üz-üzə qaldı. Hadisənin ilk günlərindən kütləvi informasiya vasitələrində xəbərlər yayıldı ki, PKK/YPG/PYD qrupları Tel Abyad rayonunun mərkəzində yerləşən erməni kilsəsindən Türkiyə hərbçiləri ilə bərabər ətrafdakı mülki suriyalıları davamlı atəşə tuturlar. Bu informasiya sürətlə tirajlandığı halda, nə erməni KİV-ləri, nə erməni din xadimləri, nə də Ermənistan hökumətinin reaksiyası eşidilmədi. Təbii ki, bu susqunluğun arxasında ciddi bir erməni hiyləgərliyi dayanırdı. Erməni KİV-ləri və din xadimləri o zaman səslərini çıxaracaqdılar ki, Türkiyə hərbçiləri kilsədəki atəş nöqtələrini susdurmaq üçün qarşılıq verməyə məcbur olsun. Yüz ildən çox zaman kəsiyində saxta “erməni soyqırımı” iddiası ilə dünyaya car çəkənlər indi də hayqıracaqdılar ki, bəs guya Türkiyə Ordusu kilsəni dağıtdı.
Yazının davamı olaraq XX əsrin əvvəllərində Osmanlı dövlətinin məruz qaldığı erməni xəyanəti ilə bağlı bəzi məqamlara toxunmaq istəyirəm. Hələ Birinci Dünya müharibəsindən çox-çox əvvəl erməni keşişləri Osmanlı ilə münasibəti gərgin olan dövlətlərin rəhbərlərinə məktub ünvanlayaraq öz xəyanət təkliflərini edirdilər. Bütün bu müraciətlərin qarşısında bir cavab verilmişdi: “çalışın”. Çalışmaq məsələsi də ki, xəyanətlərinizi davam etdirin tapşırığı idi. Bu tapşırıq erməni din xadimlərini o qədər həvəsləndirdi ki, kilsədə yığılan bütün pulları silaha xərcləyib kilsələrin zirzəmisini və çardaqlarını cəbbəxanaya çevirdilər. Bu silahları Osmanlının türk-müsəlman əhalisinə qarşı işlətmək üçün növbəti bir hiyləgərlik işə salındı. Eyni gündə, eyni saatda ondan artıq kilsədə ibadət zamanı qana boyanmış halda içəri soxulan təxribatçılar hay-həşir qopardılar ki, bəs bizi türklər döyüb bu kökə salıblar. Beləliklə, erməni toplumunda türk-müsəlman əhaliyə qarşı nifrət ocağı yaratdılar. Bu hadisələrin üstündən yüz ildən çox zaman keçsə də, nə erməni din xadimlərinin məkri azalıb, nə də ki, hiyləgərliklərindən əl çəkiblər.
Kilsə və xristian toplumu haqqında heç bir xoşagəlməz ifadə işlətmək fikrində deyilik. Ən azı ona görə ki, Azərbaycanın dövlət siyasəti millətlər və dinlər arasında dostluğu və qardaşlığı tərənnüm edir, milli mentalitetimizdə belə bir ənənə yoxdur. Sadəcə olaraq, “Sülh çeşməsi” antiterror əməliyyatına qarşı çoxşaxəli erməni təxribatları barədə fikir və mülahizələrimizi çatdırmaq istəyirik.
Ermənistan hökumətinin rəsmi dairələri Suriya böhranının ilk günlərindən başlayaraq Türkiyəyə qarşı şər və böhtan kampaniyası aparıblar. Bunun nəticəsi idi ki, əvvəlki illərdə İstanbulda keçirilən NATO tədbirlərinin birində Ermənistan parlamentinin təmsilçisi Türkiyəni Suriyada dinc əhaliyə qarşı silah işlətməkdə günahlandırdı. Türkiyə dövlət rəsmisindən isə cavab belə oldu: “Suriyada bir güllə atmağımız sübut olunsa, bu dəqiqə istefa verərəm. Yox, bunu sübut edə bilməsən şərəfsizsən”. Erməniyə xas olan arsızlıq, hiyləgərlik cizgiləri həmin salonda da özünü göstərdi. Dişlərini ağardan erməni rəsmisi susaraq şərəfsiz böhtançı olduğunu boynuna aldı. İndi isə gəlirəm Ermənistanın Suriya böhranı siyasətinə. Bütün dünyaya bəllidir ki, təcavüzkar Ermənistan dövləti işğal altında saxladığı Azərbaycan torpaqlarında qanunsuz məskunlaşdırma həyata keçirir. Ötən əsrin sonunda erməni din xadimləri dövlət yaratmaq iddiası ilə çıxış edəndə qarşılaşdıqları ən böyük çətinlik dünyanın heç bir yerində erməni toplumunun sıx məskun olmaması məsələsi idi. İndi də təcavüzkar rejim işğal altındakı Azərbaycan torpaqlarında geniş şəkildə məskunlaşdırma aparmaq istəsə də, erməni tapmaqda böyük çətinlik çəkir. Ona görə də Suriya böhranının ilk illərində bu münaqişəni qeyd etdiyim məskunlaşma məsələsinin həlli üçün göydəndüşmə fürsət hesab etdilər. İŞİD tərəfindən dağıdılan erməni kilsələrinin əllərində bayraq edib bütün dünya ermənilərindən və beynəlxalq təşkilatlardan ianə toplamağa başladılar. Sonra məlum oldu ki, əslində, Suriyada bunların iddia etdikləri sayda erməni yoxdur. Bu ölkəni tərk etmək məcburiyyətində qalanlar da faşizm ideyaları ilə yaşayan Ermənistan dövlətini qəbul etmirlər.
Beləliklə, yenidən qayıdaq Suriyanın Tel Abyad rayonunun mərkəzində yerləşən erməni kilsəsi mövzusuna. Türkiyə ordusunun hərbçiləri “Sülh çeşməsi” antiterror əməliyyatı çərçivəsində bu kilsəni PKK/YPG/ PYD terror qruplarından təmizləyib yenidən əvvəlki ibadət halına gətirdilər. İndi ortada çox ciddi bir sual var: nə üçün Tel Abyad kilsəsini idarə edən din xadimləri, eləcə də digər erməni kilsələrinin keşişləri, o cümlədən Türkiyədəki erməni keşişlər əvvəlcədən bəyan etmirdilər ki, bəs sözügedən ibadət evi PKK/YPG/PYD terror qruplaşmasının əlindədir. Kilsənin bir neçə addımlığında isə böyük dağıdıcı gücə malik olan bomba ilə yüklənmiş motosiklet starta hazır vəziyyətdədir. İndi artıq bu təxribatın qarşısı alınıb. Kilsə terrorçulardan azad olunub, haqqında bəhs etdiyimiz motosiklet zərərsizləşdirilib. Əgər çox yaxın bir vaxtda könüllü təslim olan terrorçular Tel Abyaddakı kilsənin könüllü şəkildə PKK/YPG/PYD terror qruplaşması üçün qərargah verildiyi barədə məlumat versələr yaxşı olar ki, heç kəs təəccüblənməsin. Çünki ortada uzun illər türk düşmənçiliyi yaradan, böhtan və şər kampaniyası ilə Türkiyəyə əsassız iddialar irəli sürən erməni toplumu və onların bitib tükənməyən hiyləgərliyi var.
Sabir Şahtaxtı
AZƏRTAC-ın xüsusi müxbiri
Ankara