Tanınmış azərbaycanlı skripkaçının Fransada və Böyük Britaniyada konsertləri olacaqdır VİDEO
Bakı, 6 fevral (AZƏRTAC). Tanınmış azərbaycanlı skripkaçı Nəzrin Rəşidovanın fevral və mart aylarında Fransada və Böyük Britaniyada çıxışları nəzərdə tutulmuşdur.
AZƏRTAC musiqiçinin rəsmi saytına istinadla xəbər verir ki, Nəzrin Rəşidova fevralın 24-də Fransanın Paris şəhərində Müqəddəs Rox Kilsəsində, ayın 26-da isə Londonda “St. John’s Smith Square” məkanında çıxış edəcəkdir. Bu çıxışlar Xocalı faciəsi qurbanlarının xatirəsini anma münasibətilə Avropa Azərbaycan Cəmiyyəti tərəfindən təşkil olunmuş mərasimdə baş tutacaqdır.
Nəzrin Rəşidova martın 12-də isə Londonun “King’s Place” məkanında “Arzular” diskini təqdim edəcəkdir. Azərbaycanlı skripkaçının məşhur gitaraçı Stanislav Hvartçilkov ilə əməkdaşlığının debütü olan bu albomda XX əsr Azərbaycan mahnı klassiklərinin əsərləri toplanmışdır.
Bölmənin digər xəbərləri
