TANINMIŞ MÜSƏLMAN İLAHİYYATÇISINI BİRLƏŞMİŞ ŞTATLARA BURAXMADILAR
AZƏRTAC-ın xarici informasiya agentliklərindən aldığı xəbərdə deyilir ki, ABŞ-ın hakimiyyət orqanları Çeçenistanda separatçılıq hərəkatını dəstəklədiyini bildirən tanınmış müsəlman ilahiyyatçısının ölkəyə gəlməsinə icazə verməmişlər. Ağ evdəki mənbələr bildirmişlər ki, Avropada məşhur olan ilahiyyatçı, Frayburq Universitetinin (Almaniya) professoru Tariq Ramazanın Birləşmiş Ştatlara vizası ləğv edilmişdir.
T.Ramazan nüfuzlu Notr-Dam Katolik Universitetinə işə dəvət olunmuşdu və ABŞ-a avqustun ortalarında getməli idi, lakin Daxili Təhlükəsizlik Departamentinin qərarına əsasən, onun ölkəyə yolu bağlanmışdır.
Amerika mətbuatının məlumatına görə, buna Tariq Ramazanın Cenevrə məscidlərindən birində Çeçenistanda cihada başlamaq çağırışı səbəb olmuşdur.
Bölmənin digər xəbərləri
