Tanınmış şair Qəşəm Nəcəfzadə ilə görüş keçirilib
Bakı, 12 iyun, AZƏRTAC
Dövlət Arxivinin Şirvan filialının təşkilatçılığı ilə Şirvan şəhərində tanınmış şair, Əməkdar mədəniyyət işçisi Qəşəm Nəcəfzadə ilə görüş keçirilib.
AZƏRTAC xəbər verir ki, görüşdə şəhər ziyalıları, 18 nömrəli orta məktəbin müəllim və şagird kollektivi, Hacıqabul və Sabirabad rayonlarının arxiv işçiləri iştirak ediblər.
Şairin yaradıcılığı haqqında Dövlət Arxivinin Şirvan filialının direktoru, şair Nəsibə Məmmədova (Nəsibə Nəsibqızı) məlumat verib. “Bədii yaradıcılıq da gələcək üçün bir arxivdir”,- deyən Nəsibə xanım şairin bir neçə şeirini səsləndirib.
Qəşəm Nəcəfzadə oxucuların suallarını cavablandırıb, yeni şeirlərini oxuyub, kitablarını hədiyyə edib.
Sonra xatirə şəkilləri çəkilib.
Bölmənin digər xəbərləri
