TBİLİSİDƏ AVROPA QONŞULUQ SİYASƏTİ MƏSƏLƏLƏRİNƏ HƏSR OLUNMUŞ KONFRANS KEÇİRİLMİŞDİR

01.11.2006 [12:47]
Çap et
A⁺ A^-

AZƏRTAC-ın xüsusi müxbiri xəbər verir ki, “Avrasiya” Fondunun dəstəyi ilə Tbilisidə Cənubi Qafqazda əməkdaşlıq proqramı çərçivəsində “Avropa qonşuluq siyasəti üzrə bölgə dialoquna yardım” konfransı keçirilmişdir. Tədbirdə Azərbaycan, Gürcüstan, Ermənistanın, beynəlxalq təşkilatların, diplomatik korpusun nümayəndələri iştirak etmişlər.

Konfransda Böyük Britaniyanın və ABŞ-ın Gürcüstandakı səfirləri Donald MakLaren, Con Teft, Avropa Komissiyasının Gürcüstandakı nümayəndəliyinin başçısı, səfir Tonben Xoltse və “Avrasiya” Fondunun bölgə üzrə vitse-prezidenti Andrea Haris çıxış edərək, müzakirə olunan məsələyə ölkələrinin münasibətlərini bildirmişlər.

Azərbaycanın Gürcüstandakı səfirliyinin birinci katibi Elxan Poluxov çıxışında Azərbaycan ərazilərini qəsb edən Ermənistanın heç bir beynəlxalq təşkilatın qərar və qətnamələrinə məhəl qoymadan öz çirkin niyyətindən əl çəkmədiyini nəzərə çarpdırmışdır. O, xüsusi olaraq vurğulamışdır: “Belə olan halda, qəsbkarla hansı qonşuluq münasibətlərinin qurulmasından söhbət gedə bilər?!”

TBİLİSİDƏ AVROPA QONŞULUQ SİYASƏTİ MƏSƏLƏLƏRİNƏ HƏSR OLUNMUŞ KONFRANS KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri