TDƏŞ: Ermənistan ordusu işğal etdiyi Azərbaycan torpaqlarından geri çəkilməlidir
İstanbul, 4 aprel, AZƏRTAC
Türkdilli Dövlətlərin Əməkdaşlıq Şurası (TDƏŞ) Ermənistan-Azərbaycan qoşunlarının təmas xəttində baş verən gərginliklə bağlı bəyanat yayıb. Bəyanatda təşkilatın baş katibi Ramil Həsənov bildirib ki, təcavüzkar Ermənistanın açdığı atəşlər nəticəsində Azərbaycanda dinc insanlar arasında itkilər var, o cümədən mülki əhalinin əmlakına ciddi ziyan dəyir.
Bəyanatda beynəlxalq hüququn norma və prinsiplərinə uyğun olaraq Ermənistan tərəfi atəşkəs rejiminə əməl etməyə və Ermənistan-Azərbaycan, Dağlıq Qarabağ münaqişəsinin sülh yolu ilə həllinə çağırılır. Azərbaycan tərəfinin birtərəfli qaydada atəşkəs elan etməsinin məmnunluqla qarşılandığı bildirilən bəyanatda Ermənistanın da atəşkəsə əməl etməsinin zəruriliyi vurğulanır.
BMT Təhlükəsizlik Şurasının, ATƏT-in, Avropa Şurasının, Avropa Şurası Parlament Assambleyasının Dağlıq Qarabağ münaqişəsinin sülh yolu ilə həll edilməsinə dair çağırışlarına əsaslanan TDƏŞ Ermənistan hərbi qüvvələrinin işğal olunmuş Azərbaycan torpaqlarını tərk etməsinin vacibliyini vurğulayır.
Sabir Şahtaxtı
AZƏRTAC-ın xüsusi müxbiri
İstanbul
Bölmənin digər xəbərləri
