TƏDRİS-METODİK KABİNET AÇILMIŞDIR
AZƏRTAC-ın müxbiri xəbər verir ki, Vergilər Nazirliyinin 14 saylı ərazi vergilər idarəsi Gədəbəy rayonundakı 1 saylı orta məktəbdə tədris-metodik kabinet açmışdır. Bu münasibətlə keçirilən tədbirdə çıxış edənlər ölkəmizdə aparılan iqtisadi islahatların tərkib hissəsi kimi, vergi siyasətindən ətraflı söhbət açmışlar. Vergilər nazirliyinin idarə rəisi Yusif Məmmədov müasir texniki avadanlıqla, tədris və əyani vəsaitlərlə təchiz olunan yeni kabinetin yaradılmasının məqsəd və vəzifələri barədə məlumat verdikdən sonra, dövlət vergi siyasətinə uyğun olaraq, gənc nəslin, o cümlədən orta məktəb şagirdlərinin vergi haqqında anlayış və bilgilərini artırmaq, vergi qaydalarını gələcəyin potensial vergi ödəyicilərinə öyrətmək məqsədi ilə 3-5-ci sinif şagirdləri üçün “Vergilərin əhəmiyyəti və yeddi nağıl axşamı”, 6-8-ci sinif şagirdləri üçün nəzərdə tutulmuş “Vergilər” kitabları metodik kabineti hədiyyə edilmişdir. Sonra tədbir iştirakçıları kabinetdə yaradılan şəraitlə yaxından tanış olmuşlar.
Bölmənin digər xəbərləri
