TƏHSİL NAZİRLİYİNDƏ GÖRÜŞ KEÇİRİLMİŞDİR
Nazirlikdən AZƏRTAC-a bildirmişlər ki, görüşdə “Azərbaycan Respublikasında dövlət uşaq müəssisələrindən uşaqların ailələrə verilməsi (De-institusionalizasiya) və alternativ qayğı Dövlət Proqramı” (2006-2015- ci illər) ilə nəzərdə tutulan tədbirlərin reallaşdırılmasına dair müzakirələr aparılmışdır.
Nazirliyin strateji təhlil və planlaşdırma şöbəsinin müdiri Fərzəli Qədirov müvafiq proqramın həyata keçirilməsi üçün təmsil etdiyi qurumun YUNİSEF-lə birgə iş aparmağa hazır olduğunu bildirmişdir.
Proqramın əsas məqsədi BMT-nin “Uşaq hüquqlarına dair” Konvensiyasında uşağın şəxsiyyətinin tam və ahəngdar inkişafı üçün onun ailə mühitində böyüməsinin zəruriliyinə dair müddəanın nəzərə alınması, uşaqların ailələrə verilməsi, eləcə də, alternativ qayğının təşkili mexanizmlərinin yaradılmasının və həmin mexanizmin səmərəli işləməsinin təmin edilməsidir.
Bölmənin digər xəbərləri
