Tender iştirakçılarının təklifləri bəyənilmişdir
“Azərneftyağ” İstehsalat Birliyində EOLU AVT-6 qurğusuna lazım olan ehtiyat hissələrinin alınaması və təmiri üçün elan olunmuş tenderdə iştirak edən şirkətlərin adları və təklifləri açıqlanmışdır.
Birlikdə AZƏRTAC-ın müxbirinə demişlər ki, bütün nəqliyyat və gömrük xərcləri ödənilməklə ehtiyat hissələrinin, avadanlığın gətirilməsi, quraşdırılması və işə salınması şərti ilə tender təkliflərini Almaniyanın “Gabek Anlaqenbau-İngenierinq”, Böyük Britaniyanın “Lotar Tradinq” və Amerika Birləşmiş Ştatlarının “Koch-Glitch” şirkətləri qəbul etmişlər.
Tender təkliflərinin qiymətini Almaniya şirkəti təxminən 7,8, Böyük Britaniya şirkəti 7,5, ABŞ şirkəti isə 7,6 milyon dollar məbləğində göstərmişdir. Tenderin qalibi mütəxəssislər tərəfindən iki ay ərzində müəyyən olunacaqdır.
Bölmənin digər xəbərləri
