Tərtər rayon sakininə hədə-qorxu gələrək pulunu alan şəxslər saxlanılıblar
Bakı, 6 iyul, AZƏRTAC
Tərtər Rayon Polis Şöbəsinə müraciət edən şəhər sakini cari ilin yanvar ayından iyununadək olan müddətdə həmyerlisi H.Əsədovanın və Goranboy rayon sakini K.Bayramovun onu sosial şəbəkədə rüsvay edəcəkləri ilə hədə-qorxu gəlib 500 manatını aldıqlarını bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə həmin şəxslər keçirilmiş əməliyyat-axtarış tədbirləri nəticəsində saxlanıblar.
Faktla əlaqədar Tərtər Rayon Polis Şöbəsində Cinayət Məcəlləsinin 182-ci (hədə-qorxu ilə tələb etmə) maddəsi ilə cinayət işi başlanıb, istintaq aparılır.
Bölmənin digər xəbərləri
