Test verəndən sonra alınan neqativ cavab bir aylıq təhlükəsizliyə təminat vermir
Bakı, 20 iyun, AZƏRTAC
Bu gün test verib bir ay özünün təhlükəsizliyinə arxayın olmaq elmi cəhətdən tamamilə əsassızdır.
AZƏRTAC xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva Nazirlər Kabineti yanında Operativ Qərargahın iyunun 20-də keçirdiyi brifinqdə söyləyib.
Onun dediyinə görə, koronavirus testi burun və udlaqdan götürülür və xəstəlik ilk günlərdə həmin nahiyədə aşkarlanır: “Şübhəlilər niyə 14 günlük karantinə alınır? Bu gün kimdəsə neqativ nəticə aşkarlansa, dörd, beş, altı gün sonra pozitiv nəticə ola bilər və başqasını da yoluxdura bilər. Ona görə bir ay təhlükəsizliyə arxayın olmaq olmaz”.
Bölmənin digər xəbərləri
