Tibetdə tarixdə ilk dəfə aerosəpin yolu ilə genişmiqyaslı meşəsalma əməliyyatı keçirilib
Bakı, 12 iyun, AZƏRTAC
Çinin cənub-qərbindəki Tibet muxtar rayonunda tarixdə ilk dəfə olaraq aerosəpin yolu ilə genişmiqyaslı meşəsalma əməliyyatı keçirilib.
AZƏRTAC bu barədə “Sinxua”ya istinadla xəbər verir.
İyunun 20-də başa çatdırılması nəzərdə tutulan aerosəpin üzrə işlər bir neçə rayonda, o cümlədən, Lxasa muxtar rayonunun inzibati mərkəzi və Şannan şəhəri də daxil olmaqla 14 min 533 hektardan çox ərazini əhatə edir. Əməliyyat zamanı 119,3 ton toxum istifadə ediləcək.
Yerli meşə və çöl təsərrüfatı idarəsində bildiriblər ki, işlərin yüksək sürətlə görülməsi və dağlıq ərazilərə uyğunlaşa bilməsi ilə xarakterizə olunan aerosəpin yolu ilə meşələrin salınması yaşıllaşdırma işlərinin effektivliyini artırmağa, xərclərin azaldılmasına kömək edə bilər.
Tibetdə son illər ərzində genişmiqyaslı yaşıllaşdırma layihələrinin icrası fəal şəkildə təbliğ olunur. Bunun sayəsində Tibetdəki meşə örtüyünün payı regionun 12 faizdən çox ərazisini əhatə edir.
Bölmənin digər xəbərləri
