“TikTok”un baş ofisində kütləvi zəhərlənmə olub
Bakı, 31 iyul, AZƏRTAC
“TikTok”un Sinqapurdakı baş ofisində kütləvi zəhərlənmə olub.
AZƏRTAC xəbər verir ki, 60 nəfər zərər çəkib, onlardan 57-si xəstəxanaya yerləşdirilib. Bu barədə “Mash” Telegram kanalı yazır.
Qeyd olunur ki, zərərçəkənlərin hamısında eyni simptomlar müşahidə olunub: qarın ağrısı, qusma, 38+ temperatur, soyuq tər, solğunluq. Onların hər birinə qastroenterit diaqnozu qoyulub. Zərərçəkən əməkdaşlar ofisin yeməkxanasında zəhərləniblər, hazırda orada mütəxəssislər tərəfindən yoxlama aparılır.
İlkin məlumata görə, “TikTok” əməkdaşlarının qəbul etdiyi qidanın tərkibində bağırsaq çöpü var idi. Yerli blogerlər yazıblar ki, bu işdə xarici xüsusi xidmətlərin əli ola bilər.
Bölmənin digər xəbərləri
