TKTA professor-müəllim heyəti üçün təlimlər təşkil edib
Bakı, 29 yanvar, AZƏRTAC
Təhsildə Keyfiyyət Təminatı Agentliyi (TKTA) Bakı Ali Neft Məktəbinin (BANM) və Milli Aviasiya Akademiyasının (MAA) inzibati və professor-müəllim heyəti üçün təlimlər təşkil edib.
TKTA-dan AZƏRTAC-a bildirilib ki, təlimlər çərçivəsində Keyfiyyət təminatı departamentinin Təlim və metodologiya şöbəsi tərəfindən xarici və daxili keyfiyyət təminatına dair bir sıra məsələlər universitetlərin inzibati struktur rəhbərləri və heyət üzvləri ilə müzakirə olunub.
Təlim müddətində akkreditasiya qaydaları, institusional akkreditasiya çərçivəsi, institusional akkreditasiya üzrə qiymətləndirmə meyarları, sillabusların tərtib olunması və təlim nəticələrinin formalaşdırılması, beynəlxalq təcrübəyə və standartlara əsasən tələbəyönlü təhsildə tyutorların vəzifə və öhdəliklərinə dair ətraflı məlumat verilib, heyət üzvlərinin sualları cavablandırılıb.
Qeyd edək ki, daxili və xarici keyfiyyət təminatı istiqamətində təlimlər keçirmək TKTA-nın Nizamnaməsinə əsasən fəaliyyət istiqamətlərindən biridir.
Bölmənin digər xəbərləri
