TOKİODA AZƏRBAYCAN KARATEÇİSİ RAFAEL AĞAYEV İKİNCİ QIZIL MEDALINI QAZANMIŞDIR
AZƏRTAC xəbər verir ki, Yaponiyanın paytaxtı Tokio şəhərində keçirilən karate (VKF) üzrə XIX dünya çempionatının sonuncu, üçüncü günü Azərbaycan idmançısı Rafael Ağayev 70 kiloqram çəki dərəcəsində bu turnirdə ikinci qızıl medala sahib olmuşdur. Xatırladaq ki, bir gün əvvəl R.Ağayev açıq çəkidə də kumite versiyası üzrə dünya çempionu adını qazanmışdır.
Noyabrın 16-da keçirdiyi döyüşlərdə Rafael Ağayev ardıcıl olaraq İsveçrə, Tunis, Qətər, Portuqaliya və Yaponiya idmançılarını məğlub edərək finala çıxmışdır. Sonuncu döyüşdə Misir karateçisi üzərində də qələbə qazanan Azərbaycan idmançısı Tokioda ikinci dəfə dünya çempionu olmuşdur. Beləliklə R.Dadaşov artıq üçqat dünya çempionudur.
Təəssüf ki, həmin gün tatami üzərinə çıxmış iki karateçimiz - Şahin Atamov (75 kq) və Amal Atayev (80 kq) medal qazana bilməmişlər.
Ümumi komanda hesabında Azərbaycan yığması iki qızıl medalla 99 ölkə arasında Yaponiya, Fransa və İtaliyadan sonra dördüncü yeri tutmuşdur.
######
 |
 |
Bölmənin digər xəbərləri
