TORPAQ SAHİBLƏRİNƏ YARDIM VERİLƏCƏK İLK ŞƏHƏR VƏ RAYONLAR MƏLUM OLDU
AZƏRTAC xəbər verir ki, iyulun 10-da kənd təsərrüfatı məhsullrının istehsalçısı olan hüquqi və fiziki şəxslərə hər hektar əkin sahəsinin becərilməsində istifadə olunan yanacaq və motor yağlarına görə dövlət tərəfindən büdcə vəsaiti hesabına 40 manat yardım verilməsi, habelə “Aqrolizinq” Açıq Səhmdar Cəmiyyəti, başqa hüquqi və fiziki şəxslər tərəfindən istehsalçılara satılan mineral gübrələrin dəyərinin orta hesabla 50 faizinin dövlət tərəfindən ödənilməsinin təmin edilməsi üzrə Respublika Komissiyasının növbəti iclası keçirilmişdir.
İclasda komissiyasının sədri - kənd təsərrüfatı naziri İsmət Abasov işçi qrupunun gördüyü işlər, istehsalçılara yanacaq və motor yağlarına görə veriləcək vəsaitlə əlaqədar 12 rayon komissiyasının təqdim etdiyi materiallar barədə məlumat verilmişdir.
Respublika Komissiyası rayon komissiyaların təqdim etdiyi materiallara baxaraq onlardan Gəncə şəhərindən, Xanlar, Ucar, Ağdaş, Astara, Abşeron, İsmayıllı, Daşkəsən, Hacıqabul rayonlarından göndərilmiş sənədləri məqbul hesab etmişdir.
Gübrələrin dəyərinin 50 faizinin dövlət büdcəsi vəsaiti hesabına ödənilməsi barədə materiallara müvafiq araşdırmalar aparıldıqdan sonra komissiyanın növbəti iclasında baxılması qərara alınmışdır.
Bölmənin digər xəbərləri
