“Tottenhem”lə oyun öncəsi “Borussiya” ciddi itkilərlə üzləşib
Bakı, 12 fevral, AZƏRTAC
UEFA Çempionlar Liqasının səkkizdəbir final mərhələsinin ilk oyununda Almaniyanın “Borussiya Dortmund” klubunun 4 futbolçusu iştirak etməyəcək.
AZƏRTAC xarici KİV-lərə istinadla xəbər verir ki, Dortmund təmsilçisi İngiltərənin “Tottenhem” klubuna qarşı oyunda hücumçular Marko Reus, Pako Alkaser, yarımmüdafiəçi Yulian Vayql və müdafiəçi Lukaş Pişekin xidmətlərindən yararlana bilməcəyək. Belə ki, Marko Reus Almaniya kubokunun dörddəbir final mərhələsində “Verder”lə görüşdə zədələnib. Həmçinin Lukaş Pişek də ayağından aldığı zədəyə görə meydana çıxa bilməyəcək. Pako Alkaser və Yulian Vayql isə xəstəlikləri səbəbindən matçda iştirak etməyəcəklər.
Qeyd edək ki, “Borussiya Dortmund”-“Tottenhem” qarşılaşması fevralın 13-də baş tutacaq.
Bölmənin digər xəbərləri
