Tramp diqqəti Ukrayna münaqişəsinə yönəldir
Bakı, 16 iyun, AZƏRTAC
ABŞ Prezidenti Donald Tramp bildirib ki, indi İran məsələsi arxa plana keçdiyi üçün diqqəti Ukrayna münaqişəsinin həllinə yönəldib.
AZƏRTAC xəbər verir ki, Tramp bu fikri Ağ Evin “YouTube” kanalı ilə yayımlanan çıxışında səsləndirib.
“Biz İrana diqqət yetirirdik və indi o, arxa plana keçir”, - deyə ABŞ Prezidenti vurğulayıb.
Amerika liderinin sözlərinə görə, Rusiya və Ukrayna razılığa gəlməlidir. ABŞ-nin Ukraynadakı hadisələrdə heç bir iştirakı olmasa da, o, münaqişənin həlli üçün mümkün olan hər şeyi edəcək.
Donald Tramp G7 sammitində ukraynalı həmkarı Volodimir Zelenski ilə artıq bir görüş keçirdiyini və daha bir görüşünü isə bu gün keçirəcəyini açıqlayıb.
Bölmənin digər xəbərləri
