TRANSQAFQAZ YOLU BAĞLANMIŞDIR
AZƏRTAC xəbər verir ki, martın 2-də Rusiyanın mərkəzi hissəsini Cənubi Qafqaz regionu ilə birləşdirən Transqafqaz magistral yolu saysız-hesabsız qar uçqunları nəticəsində bağlanmışdır. Bunu Şimali Osetiyanın fövqəladə hallar nazirinin köməkçisi Vladimir İvanov bildirmişdir.
Onun sözlərinə görə, bu, son 10-12 ildə ilk dəfə baş verir. İki gün yarım ərzində Qafqaz dağlarına yağıntının ikiaylıq norması düşmüşdür. Yolun bəzi hissələrində qar örtüyünün qalınlığı 1,6 metrə çatır. Hazırda qartəmizləyən texnika və xilasedicilər Buron qəsəbəsində toplaşmışlar. İrəliləmək hələlik mümkün deyildir. Qar isə yağmaqda davam edir. Magistral yolun vaxtında bağlanması sayəsində çoxsaylı tələfata yol verilməmişdir.
Bölmənin digər xəbərləri
