Tulada cinayətkar dəstəyə rəhbərlik edən MMA döyüşçüsü Ohanesyan saxlanılıb
Moskva, 1 dekabr, AZƏRTAC
Tulada 36 yaşlı qarışıq döyüş növləri (MMA) üzrə idmançı Tiqran Ohanesyan saxlanılıb. İlkin məlumatlara görə, o, quldurluq və hədə-qorxu yolu ilə pul tələb etmə ilə məşğul olan cinayətkar qrupun rəhbəri olub.
AZƏRTAC xəbər verir ki, “Tula uğrunda döyüş” turnirinin dəfələrlə qalibi olan idmançı və məşqçi beş şagirdindən ibarət dəstə yaradıb.
Dəstə üzvləri özlərini güc strukturlarının əməkdaşları kimi təqdim edərək Tula və Şyokino sakinlərindən 500–800 min rubl məbləğində pul alıblar. Saxlanılan şəxslər barəsində “Quldurluq” və “Hədə-qorxu yolu ilə tələb etmə” maddələri üzrə cinayət işləri açılıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
