TUNİS ZİRVƏ TOPLANTISINDA İNFORMASİYA CƏMİYYƏTİNİN İNKİŞAF PROQRAMI QƏBUL OLUNMUŞDUR

19.11.2005 [12:06]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, Tunisdə keçirilmiş informasiya cəmiyyəti məsələləri üzrə Ümumdünya zirvə toplantısında iştirak edən 176 ölkənin nümayəndələri yekun sənədini – Tunis Fəaliyyət planını imzalayaraq, Şimal və Cənub ölkələri arasında informasiya və telekommunikasiya fərqinin azaldılmasına dair vahid proqramı təsdiq etmişlər.

Sənəddə BMT-nin baş katibi Kofi Annanın müasir informasiya texnologiyalarından hamılıqla istifadə barədə təşəbbüsünün əsas istiqamətləri və gerçəkləşdirilməsi yolları müəyyən edilir. Proqramda İnternetin idarə olunması, proqramların həyata keçirilməsində informasiya təhlükəsizliyinin və maliyyə tənzimlənməsinin təmin edilməsi məsələlərinə xüsusi diqqət yetirilir.

Sənədin qəbul edilməsi ilə iki mərhələdə keçirilmiş Ümumdünya İnformasiya zirvə toplantısı başa çatmışdır. 2003-cü ildə Cenevrədə keçirilmiş birinci mərhələdə diskussiyalar üçün əsas istiqamətlər müəyyən edilmiş, Tunis toplantısında isə qəbul olunmuş qərarların reallaşdırılmasına dair birgə plan hazırlanmışdır.

TUNİS ZİRVƏ TOPLANTISINDA İNFORMASİYA CƏMİYYƏTİNİN İNKİŞAF PROQRAMI QƏBUL OLUNMUŞDUR

MÜƏLLİFLƏ ƏLAQƏ

Bölmənin digər xəbərləri