TURİSTLƏRİ SUNAMİDƏN XİLAS EDƏN QIZ İLİN YENİYETMƏSİ ADLANDIRILMIŞDIR
O vaxt Tilli valideynləri ilə birlikdə Tailandın Phuket adasında istirahət edirdi. Dəniz suyunun köpükləndiyini və sahildən çəkilməyə başladığını görən qız valideynlərinə bildirmişdir ki, sunami yaxınlaşır və hamı çimərlikdən qaçmalıdır. Qızın valideynləri adadakı “Merriot” mehmanxanasının əməkdaşlarına və yerli xilasedicilərə xəbərdarlıq etmişlər. Onlar adamları oradan dərhal köçürməyə başlamışlar. Nəticədə mehmanxanada qalanlardan heç kim həlak olmamış və ciddi zədə almamışdır.
Tilli Smit buna görə Britaniya Dəniz Cəmiyyətinin mükafatı ilə təltif olunmuşdur. Bu il o, BMT-yə də getmiş və sabiq ABŞ Prezidenti, hazırda sunaminin nəticələrinin aradan qaldırılmasına cavabdeh olan BMT elçisi Bill Klintonla görüşmüşdür.
Bölmənin digər xəbərləri
