“TÜRK DÜNYASI” QAZAX DİLİNDƏ ÇAP EDİLMİŞDİR
Türkoloq alim Seydin Bizakovun bu kitabında azərbaycanlılar, türklər, qazaxlar, özbəklər, uyğurlar, türkmənlər- ümumiyyətlə dünyada yaşayan 42 türkdilli xalq haqqında geniş məlumat verilir, onların tarixi, etnoqrafiyası, adət-ənənələri, mədəniyyəti, ədəbiyyatı və incəsənəti barədə söhbət açılır.
Kitabın “Azərbaycanlılar” bölməsində göstərilir ki, Azərbaycan və İrandan başqa, Rusiya, Gürcüstan, Türkiyə, İraq və Əfqanıstanda da çoxlu azərbaycanlı yaşayır. Qazaxıstanda 130 minə yaxın azərbaycanlının yaşadığı qeyd edilir.
Bölmədə 1813-cü il Gülüstan, 1828-ci il Türkmənçay müqavilələri yada salınır. İranda yaşayan soydaşlarımız haqqında danışılır. Burada 1988-ci ilə qədər Ermənistanda yaşayan 200 mindən artıq azərbaycanlının öz ata-baba yurdundan qovulduğu, Azərbaycanın işğal olunmuş torpaqlarından didərgin salınan bir milyona qədər adamın çadırlarda yaşadığı qeyd olunur.
Kitabda Azərbaycanın tanınmış şair və yazıçılarından da söhbət açılır.
Qulu Kəngərli
AZƏRTAC-ın xüsusi müxbiri
Almatı
Bölmənin digər xəbərləri
